Yaxın Şərqdə eskalasiya ABŞ və İsrailə görə artır - Əraqçi

İran mütəmadi olaraq bütün məsələlərdə Rusiya ilə məsləhətləşir.

FinFly xəbər verir ki, bunu İranın xarici işlər naziri Abbas Əraqçi Moskvada Rusiya prezidenti Vladimir Putinlə görüşündə deyib.

“Biz [İran] bütün məsələlərdə rusiyalı həmkarlarımızla daim və müntəzəm olaraq məsləhətləşirik”, - deyə Əraqçi bildirib.

Onun sözlərinə görə, Yaxın Şərqdə eskalasiya ABŞ və İsrailin İrana qarşı hərəkətlərinə görə artır.

"Bizim görüşümüz regionda [Yaxın Şərqdə] böhranların kəskinləşdiyi bir vaxtda keçirilir. İsrail və ABŞ-ın obyektlərimizə hücumu ilə eskalasiya səviyyəsinin hər gün artdığını görürsünüz", - deyən Əraqçi bunları "qanunsuz" adlandırıb.

"Bu hərəkətlər beynəlxalq normaları pozur. Biz öz suverenliyimizi müdafiə edirik", - deyə qeyd edib.

---