Xarici banklar aktivlərinin gəlirliliyinə görə yerli bankları üstələdi

2025-ci ildə Azərbaycan banklarının əldə etdiyi xalis mənfəəti onların bu il yanvarın 1-nə malik olduqları aktivlərin 2 faizi qədər olub.

FinFly xəbər verir ki, ötən ilin eyni dövrü ilə müqayisədə bankların aktivlərinin gəlirliliyi dəyişməyib.

Ötən il 22 bank arasında aktivlərindən ən yaxşı istifadə edən İran Milli Bankının Bakı filialı olub. Bu bankın illik xalis mənfəəti onun aktivlərinin 3,7 faizni təşkil edib.

Digər xarici kapitallı bank olan "Bank VTB Azərbaycan" isə 3 faizlik göstərici ilə ikinci olub. Ötən ili zərərlə başa vurmuş "Bank BTB" ASC isə təbii olaraq aktivlərinin 0,1 faizi qədər zərərliliyə malik olub.

Son 1 ildə aktivlərdən istifadə vəziyyəti 22 bankdan 6-da yaxşılaşıb, 3-də dəyişməyib, 13-də isə pisləşib.

---