Türkiyə holdinqi Aktauda multimodal tranzit mərkəzi yaratmağı planlaşdırır

Türkiyənin "YDA Holding"-i Qazaxıstanın Aktau limanında multimodal tranzit mərkəzinin yaradılması ilə bağlı irimiqyaslı layihənin həyata keçirilməsi imkanını nəzərdən keçirir.

FinFly Qazaxıstan Prezidentinin mətbuat xidmətinə istinadən xəbər verir ki, bu, Prezident Kasım-Jomart Tokayevin “YDA Holding”in İdarə Heyətinin sədri Hüseyn Arslanla Ankarada keçirilən görüşü zamanı məlum olub.

Söhbət zamanı Arslan şirkətin bu nəqliyyat layihəsinin inkişafı ilə bağlı planları barədə danışıb, cari təşəbbüslər - Türküstan, Astana və Petropavlovskda çoxprofilli xəstəxanaların tikintisi, YDA Industrial Park sənaye parkının genişləndirilməsi və Astanada sendviç panellərin istehsalı zavodunun inşası haqqında məlumat verib.

K.Tokayev holdinqin Qazaxıstana strateji marağını yüksək qiymətləndirib və ölkədə həyata keçirilən investisiya təşəbbüslərinə dəstəyini ifadə edib.

---