Tramp Rusiyaya qarşı sanksiyaları sərtləşdirə bilər

Tramp bildirib ki, əgər Ukrayna ilə bağlı razılaşma əldə olunmasa, Rusiyaya qarşı sanksiyaların sərtləşdirilməsinə hazırdır.

FinFly-ın xarici KİV-ə istinadla verdiyi məlumata görə, amerikalı lider bu məsələdə özü üçün son tarix müəyyən edib.

Tramp, bütün çətinliklərə baxmayaraq, münaqişənin həll olunacağına əminliyini ifadə edib.

Amerika liderinin sözlərinə görə, o, kansler Merts ilə Rusiya-Ukrayna böhranının həlli ilə bağlı məsələləri mütəmadi olaraq müzakirə edir.

“Biz istərdik ki, bu (münaqişə) başa çatsın. Ola bilsin, başa çatar. Döyüşlərin olacağı ilə bağlı xəbərlər gəlir. Bir neçə gün öncə müəyyən hadisələr baş verib”, – deyə Tramp bildirib və əlavə edib ki, nə özü, nə də Almaniya kansleri bundan məmnun deyil.

“Amma düşünürəm ki, nəticədə qan tökülməsinin dayandırılmasında uğur əldə edəcəyik”, – deyə Ağ Evin rəhbəri vurğulayıb.

---