Rusiyanın yük gəmisi Bosfor boğazında limana yedəklənib

Rusiya quru yük gəmisində Bosfor boğazında nasazlıq baş verib və o, yedəklənərək limana gətirilib.

FinFly xəbər verir ki, bu barədə Türkiyənin Sahil Mühafizəsi Baş İdarəsi RİA Novosti-yə açıqlamasında deyib.

"Rusiyadan Misirə gedən 142 metr uzunluğundakı Azov Forward adlı quru yük gəmisinin Arnavutköy rayonu yaxınlığında sükanı sıradan çıxıb", – deyə idarədən bildirilib.

Sent-Kits və Nevis bayrağı altında üzən gəmi təhlükəsiz şəkildə Ahırkapı limanına yedəklənib. Hadisə digər gəmilərin hərəkətinə təsir etməyib.

---