Rusiyada pilotsuz tramvay istifadəyə verilib

Rusiyanın paytaxtı olan Moskva şəhərində Rusiyanın ilk pilotsuz tramvayı istifadəyə verilib.

FinFly Rusiya KİV-ə istinadən xəbər verir ki, təntənəli açılış mərasimindən əvvəl müasir nəqliyyat vasitəsinin 3 mərhələdə sınağı həyata keçirilib, sınaqların bəzilərində hər ehtimala qarşı sürücülər də iştirak ediblər.

Pilotsuz tramvayın şəhərin şimal-qərbində 10 saylı marşrut üzrə sərnişin daşıyacağı deyilir.

Açılış mərasimində iştirak edən Moskva meri Sergey Sobyanin ilin sonuna kimi Moskvada daha 3 pilotsuz tramvayın istismara veriləcəyini, 2026-cı ilin sonuna kimi isə onların ümumi sayının 15-ə çatdırılacağını vurğulayıb.

---