Rusiya və ABŞ birbaşa uçuşların bərpası imkanlarını nəzərdən keçirir

Bu həftə İstanbulda keçirilən Rusiya-ABŞ məsləhətləşmələri zamanı ABŞ Rusiya ilə birbaşa hava əlaqəsinin bərpası imkanlarının nəzərdən keçirilməsini təklif edib.

FinFly bu barədə Rusiyanın Xarici İşlər Nazirliyinə istinadən xəbər verir.

Həmçinin qeyd olunub ki, tərəflər Rusiya və ABŞ diplomatik missiyalarının fəaliyyətinin maneəsiz şəkildə maliyyələşdirilməsini təmin etmək üçün birgə addımlar barədə razılığa gəliblər, həmçinin Rusiyanın ABŞ-də müsadirə edilmiş diplomatik mülkiyyəti ilə bağlı məsələlərə toxunublar.

"Rusiya Federasiyası ilə ABŞ arasında İstanbulda aparılan danışıqlar məzmunlu və işgüzar xarakterli olub. Hər iki ölkə Rusiya XİN-in Şimali Amerika Departamentinin direktoru Aleksandr Darçiyev və ABŞ dövlət katibinin müavini Sonata Koulter arasında kanal vasitəsilə dialoqu davam etdirəcək", - Rusiya XİN-in məlumatında bildirilib.

---