Rusiya kriptovalyutaları tənzimləyən qanun qəbul edə bilər

29 Ynv, 2026 12:27

Kriptovalyutalar üzərində uzun müddətdir işləyən Rusiya bu sahədə növbəti addımlar atır.

FinFly-in məlumatına görə, Rusiya Federasiyası iyul ayında kriptovalyutaların tənzimlənməsi ilə bağlı uzun müddətdir gözlənilən qanunu qəbul etməyə hazırlaşır.

Qanunun qəbulu ilə Bitcoin (BTC) də daxil olmaqla iri kriptovalyutaların tənzimləmə prosesinə daha fəal şəkildə cəlb olunacağı gözlənilir. Dövlət Dumasının Maliyyə Bazarları Komitəsinin sədri Anatoli Aksakov bildirib ki, qanun layihəsi üzrə səsvermə iyunun sonunadək keçirilə bilər. Sənəd təsdiqlənərsə, 1 iyul 2027-ci ildən qüvvəyə minməsi nəzərdə tutulur.

Qanun layihəsi əsasən kriptobirjalar, investorlar üçün məhdudiyyətlər və steyblkoinlərin tənzimlənməsini əhatə edir.