Rusiya, Azərbaycan və Ermənistan arasında sülh sazişinin imzalanmasına dəstək verməyə hazırdır - Lavrov

Rusiya, Azərbaycan və Ermənistan arasında sülh sazişinin imzalanmasına dəstək verməyə hazırdır.

FinFly-ın məlumatına görə, bu barədə Rusiya Xarici İşlər naziri Sergey Lavrov Antalya Diplomatik Forumu çərçivəsində Azərbaycanın xarici işlər naziri Ceyhun Bayramovla görüşü zamanı bildirib.

Rusiya Xarici İşlər Nazirliyinin yaydığı məlumatda deyilir:

"Rusiya tərəfi Azərbaycan-Ermənistan münasibətlərinin normallaşması və sülh sazişinin imzalanması prosesinə dəstək göstərməyə hazır olduğunu təsdiqləyib. 2020–2022-ci illərdə Rusiya, Azərbaycan və Ermənistan liderləri arasında əldə olunmuş üçtərəfli razılaşmalar kompleksinin tam şəkildə həyata keçirilməsinin vacibliyi vurğulanıb".

---