Qazaxıstan neft emalını artırıb

2025-ci ilin yanvar-aprel aylarında Qazaxıstanın neft emalı zavodları 6,092 milyon ton neft emal edib ki, bu da 2024-cü ilin eyni dövrü ilə müqayisədə 10,8 faiz çoxdur.

FinFly-in Qazaxıstan Energetika Nazirliyinə istinadən verdiyi məlumata görə, avtomobil benzininin istehsalı 4 ayda 25,4 faiz artaraq 2,082 milyon ton təşkil edib, dizel yanacağının istehsalı təxminən 19 faiz artaraq 1,921 milyon tona çatıb.

İlin əvvəlindən aviakerosininin istehsalı 5,3 faiz artaraq 0,26 milyon tona çatıb.

---