Putin UnionPay-ın Rusiyaya qaytarılması və Çin bazarına MİR kartlarının çıxarılmasına nail ola bilmədi

Rusiya prezidenti Vladimir Putin və Çin sədri Si Cinpin arasında danışıqlar Moskva üçün nəticəsiz başa çatdı: UnionPay-ın Rusiyaya qaytarılması və Çin bazarına MİR kartlarının çıxarılması mümkün olmadı.

FinFly-nin məlumatına görə, 22 sənəd imzalanıb, lakin onların arasında bir dənə də banklarla bağlı sənəd olmayıb.

Məlumata görə, Pekin Rusiya üçün UnionPay xidmətini bərpa etməkdən imtina edib. Qeyd edək ki, bu kartlar əvvəllər sanksiyalar altında olan banklara kömək edirdi, lakin 2024-cü ildən hətta Çin daxilində də fəaliyyətini dayandırıb.

Bundan əlavə, Putin Çin bazarında MİR kartlarının qəbulu ilə bağlı da razılığa gələ bilməyib. 2024-cü ilin fevralından MİR-in operatoru Amerika sanksiyaları altındadır. İndi Kreml ən azı Çində əsas ödəniş üsulu olaraq qalan QR kodlar vasitəsilə ödənişlərin mümkünlüyünə ümid edir.

---