Özbəkistanda İslam bankçılığı tətbiq olunacaq

Özbəkistan Ali Məclisinin Qanunvericilik Palatasının növbəti iclasında İslam bankçılığının tətbiqi haqqında qanun layihəsinə baxılıb.

FinFly xəbər verir ki, bu barədə parlamentin mətbuat xidməti məlumat yayıb.

Sənəd Vergi və Mülki məcəllələrə, eləcə də digər 8 qanuna əlavə və dəyişiklikləri nəzərdə tutur. O cümlədən, "İslam bankı", "maliyyə əməliyyatları və standartları", "investisiya depoziti" anlayışlarının birləşdirilməsi, həmçinin islam bankçılığı qaydaları ilə işləmək istəyən banklar üçün onun əldə edilməsi üçün xüsusi tələblər qoyulan lisenziyanın yaradılması təklif edilir.

Qanun layihəsi əhalinin və sahibkarlıq subyektlərinin maliyyə dəstəyinin genişləndirilməsinə, alternativ maliyyə xidmətlərinin yaradılmasına və yeni maliyyə məhsulları və xidmətləri vasitəsilə xarici investisiyaların cəlb edilməsinə yönəlib.

Qanun layihəsi deputatlar tərəfindən birinci oxunuşda qəbul edilib.

---