Neçə Çin şirkəti Qarabağda biznes qurmaq istəyir?

İşğaldan azad olunmuş ərazilərdə biznes qurmaq məqsədilə indiyədək 3 mindən çox müraciət daxil olub, onlardan 507-si xarici şirkətlərə aiddir.

FinFly xəbər verir ki, bunu kiçik və orta biznesin inkişafı agentliyinin (KOBİA) sədri Orxan Məmmədov deyib.

Onun sözlərinə görə, xarici müraciətlər arasında 10-dan çoxu Çin bizneslərinə məxsusdur.

"Azad edilmiş ərazilərdə biznes fəaliyyətində əsas prioritet sahələrə tikinti, turizm, mədənçıxarma, neft-kimya sənayesi, rəqəmsal texnologiyalar, nəqliyyat və logistika, ticarət, telekommunikasiya, kənd təsərrüfatı və istehsal, eləcə də “ağıllı şəhər” və “ağıllı kənd” konseptləri daxildir", - KOBİA-nın sədri bildirib.

---