Naxçıvanda vergi daxilolmaları artıb

2025-ci ilin yanvar-iyul aylarında Naxçıvan Muxtar Respublikasının İqtisadiyyat Nazirliyi yanında Dövlət Vergi Xidmətinin xətti ilə büdcəyə 140,6 milyon manat vergi daxil olub.

FinFly quruma istinadən xəbər verir ki, bu, ötən ilin eyni dövrünə nisbətən 20,3 faiz çoxdur.

Hesabat dövründə ödənilən vergilərin 67,8 faizi qeyri-dövlət sektorunun, 32,2 faizi isə dövlət sektorunun payına düşüb.

Qeyri-dövlət sektorundan daxilolmalar 95,3 milyon manat təşkil edib. 2024-cü ilin 7 ayına nisbətən bu sektordan vergi daxilolmaları 29,8 faiz çox olub.

---