MARKAD Group – Azərbaycandan dünyaya uzanan yeni nəsil layihələr

Müasir biznes dünyasında uğur yalnız bir istiqamətdə fəaliyyət göstərməklə məhdudlaşmır. Yenilikçi yanaşma, müxtəlif sahələrdə paralel inkişaf və ən əsası, gələcəyin layihələrinə sərmayə qoymaq uzunmüddətli uğurun əsas şərtləridir.

MARKAD Marketing və MARKAD Print

MARKAD Group-un əsas istiqamətlərindən biri marketinq sahəsidir. MARKAD Marketing yerli bazarda müxtəlif brendlərin inkişafında mühüm rol oynayaraq, müasir alətləri və kreativ yanaşmanı birləşdirir. Şirkət yalnız reklam deyil, həm də strateji kommunikasiya həlləri ilə müştərilərinə dəstək verir.

Bununla yanaşı, MARKAD Print poliqrafiya xidmətləri sahəsində öz keyfiyyəti və operativliyi ilə seçilir. Brendlərin imicini düzgün çatdırmaq üçün çap işlərinin əhəmiyyətini anlayan şirkət, bu istiqamətdə də bazarın güvənilən tərəfdaşına çevrilib.

Gələcəyin istiqaməti: Startuplar və sərmayə

MARKAD Group-un ən önəm verdiyi istiqamət isə startuplardır. Şirkət, yeni ideyaların inkişafı və sahibkarların investorlarla bir araya gətirilməsi üçün mühüm platformalar üzərində çalışır.

Xüsusi olaraq hazırlanan MARKAD Investing layihəsi, bu baxımdan tamamilə yeni yanaşmadır. Layihənin məqsədi – sərmayəçiləri və biznes sahiblərini bir platformada birləşdirərək, həm startapların inkişafına dəstək olmaq, həm də investorların maraqlarını qorumaqdır.

Bu modelin üstünlüyü ondadır ki, layihə birbaşa banklarla əməkdaşlıq əsasında qurulur. Yəni, nə investorun vəsaiti risk altında qalır, nə də startup üçün ayrılan büdcə plan xaricində istifadə olunur. MARKAD Group layihənin bütün mərhələsinə nəzarət edir və şəffaflığın tam təmin olunmasına zəmanət verir.

Artıq şirkətə müraciət edən çoxsaylı investorlar var. Hazırda bütün addımlar planlı şəkildə həyata keçirildiyi üçün nəticələrin yaxın zamanda ictimaiyyətə təqdim olunacağı gözlənilir.

Qlobal hədəflər

MARKAD Group yalnız Azərbaycan bazarı ilə kifayətlənmir. Şirkətin marketinq sahəsində əsas hədəfi xarici bazarlara çıxmaqdır. Hazırda bir neçə ölkədəki tərəfdaşlarla danışıqlar aparılır və yaxın gələcəkdə Azərbaycan brendinin beynəlxalq arenada da güclənəcəyi gözlənilir.

23 unikal layihə – müxtəlif sahələr üzrə innovasiya

Şirkətin təsisçisi və rəhbəri İbrahim Arzuoğlu Mahmudov qeyd edir ki, MARKAD Group-un artıq 23 unikal layihəsi var. Bu layihələr tibbdən qida sənayesinə, təhsildən turizm və inşaat sahələrinə qədər geniş spektri əhatə edir. İT, təsərrüfat və digər sahələr üzrə də yeni ideyalar hazırlanır. Qeyd edək ki, biz bu sahələrdə iş qurmuruq.

Məqsəd – bu layihələri təkcə Azərbaycanda həyata keçirməklə kifayətlənməmək, həm də onları dünyada tanıtmaqdır. Bunun üçün artıq müxtəlif sektorlarda fəaliyyət göstərən biznes sahibləri ilə görüşlər keçirilib və əməkdaşlıqların təməli qoyulub.

MARKAD Group-un fəaliyyətində əsas ideya birdir: gələcəyin layihələrini bu gündən formalaşdırmaq. Startuplara dəstək, innovativ ödəniş həlləri, marketinq və çap sahəsində uğurlu addımlar, eləcə də beynəlxalq bazarlara çıxış – bütün bunlar şirkətin vizyonunun bir hissəsidir.

Azərbaycanın biznes ekosistemində belə geniş baxışlı şirkətlərin olması, həm ölkə daxilində sahibkarlığın inkişafına, həm də beynəlxalq arenada rəqabət qabiliyyətimizin artmasına böyük töhfə verəcək.

Əlaqə: +994 55 239 52 51‬

---