Kriptovalyuta birjası Bybit banka çevrilir

29 Ynv, 2026 16:22

Kriptobirja Bybit yalnız kriptoaktivlərin ticarəti üçün platforma modelindən uzaqlaşır.

FinFly-in məlumatına görə, şirkət fiat hesablar istifadəyə verməyə hazırlaşır, bank funksiyaları əlavə edir və fəaliyyət məntiqinə görə getdikcə bank tipli xidmətə çevrilir.

Bybit istifadəçilərə platforma daxilində dollar və digər fiat valyutaları saxlamağa imkan verən MyBank hesablarını işə salmağı planlaşdırır. Bu hesablar beynəlxalq köçürmələr üçün istifadə olunan IBAN ilə təmin ediləcək və 18 valyutada ödənişlərin göndərilməsi və qəbulu mümkün olacaq. Xidmətin tənzimləyicilərlə razılaşdırıldıqdan sonra fevral ayında istifadəyə verilməsi nəzərdə tutulur.

Şirkətin baş direktoru Ben Çjou bildirib ki, istifadəçi fiat vəsaiti hesaba yatırır və onu valyutada saxlamaq və ya kriptoaktivlərə çevirmək barədə özü qərar verir. Layihə Gürcüstanda lisenziyaya malik Pave Bank da daxil olmaqla bank tərəfdaşları ilə birgə həyata keçirilir və giriş üçün standart identifikasiya tələb olunacaq.

Eyni zamanda Bybit iri müştərilər üçün kastodial xidmət üzərində çalışır. Məhsul daşınmaz əmlakdan tutmuş səhmlərə qədər real aktivlərin tokenləşdirilməsi ilə məşğul olan banklar və institusional investorlar üçün nəzərdə tutulub və birjanı ənənəvi maliyyə modelinə daha da yaxınlaşdırır.