Kriptovalyuta bazarının son vəziyyəti

Aprelin 8-də kriptovalyuta birjalarında "Bitcoin"in qiyməti artıb.

FinFly xəbər verir ki, dünyanın ən bahalı kriptovalyutası “CoinMarketCap” platformasında 3,96 faiz bahalaşaraq 79 772 ABŞ dolları təşkil edib.

Son bir gündə "Ethereum"un qiymətində də artım müşahidə edilib. Sözügedən kriptovalyutanın dəyəri 3,23 faiz artaraq 1587 ABŞ dollarına bərabər olub. İlk beşlikdə olan XRP son sutkada 7,63 faiz, BNB isə 3,52 faiz bahalaşıb.

Qeyd edək ki, "Bitkoin"in ən yüksək qiyməti ötən il dekabrın 16-da qeydə alınıb və qiyməti 108 min dolları ötüb.

---