Kriptovalyuta bazarında vəziyyət qeyri-sabit davam edir

Martın 17-də kriptovalyuta birjalarında "Bitcoin"in qiyməti cüzi azalıb.

FinFly xəbər verir ki, dünyanın ən bahalı kriptovalyutası CoinMarketCap platformasında 1,07 faiz ucuzlaşaraq 83 438 ABŞ dollarına enib.

Ethereum adlı koinin qiymətində də azalma müşahidə edilib. Sözügedən kriptovalyutanın dəyəri 1,39 faiz azalaraq 1 901 ABŞ dollarına bərabər olub. İlk beşlikdə olan XRP 1,68 faiz azalıb, BNB isə 2,7 faiz bahalaşıb.

Bitkoin-in ən yüksək qiyməti ötən il dekabrın 16-da qeydə alınıb və qiyməti 108 min dollar olmuşdu.

---