Kontakt Home'un Sahil filialında bıçaqlanma olub

Kontakt Home mağazasında satıcı işləyən 1995-ci il təvəllüdlü Leyla Murad qızı Quliyeva bıçaqlanıb.

FinFly xəbər verir ki, onun həyat yoldaşı, 1992-ci il təvəllüdlü Fəxrəddin Sədrəddin oğlu Quliyev tərəfindən bıçaqlandığı məlum olub.

Qeyd edilir ki, hadisə zamanı 30 yaşlı qadın qaçmağa çalışsa da, əri ona kürək nahiyəsindən 8 bıçaq xəsarəti yetirərək öldürməyə cəhd göstərib.

Quliyev polis əməkdaşları tərəfindən şübhəli şəxs qismində saxlanılıb. L.Quliyeva xəstəxanaya yerləşdirilib, vəziyyəti orta-ağırdır. 

Hadisənin qısqanclıq zəminində törədildiyi bildirilir.

---