İsrail ordusu Beynəlxalq Qlobal Sumud donanmasına müdaxilə etməyə hazırlaşır - KİV

İsrail ordusu humanitar yardımla Qəzza zolağına gedən və Aralıq dənizi üzərindən davam edən Beynəlxalq Qlobal Sumud donanmasına müdaxilə etməyə hazırlaşır.

FinFly-nin İsrail dövlət televiziya KAN kanalına istinadən verdiyi məlumata görə, donanmanın təxminən dörd gün ərzində eksklav sahillərinə çatacağı gözlənilir. İsrail qüvvələri gəmiləri ələ keçirməyə cəhd etmək niyyətindədir.

TV kanal qeyd edir ki, İsrail Hərbi Dəniz Qüvvələrinin "Şayetet" xüsusi təyinatlı bölməsi son günlər açıq dənizdə gəmilərin tutulması təlimləri keçirir. Mənbələrin məlumatına görə, manevrlərin məqsədi əməliyyatda iştirak edənlərə mümkün zərəri minimuma endirmək olub.

---