İran və Ermənistan Zəngəzur dəhlizi ilə bağlı məsləhətləşmələr aparacaq

Bu gündən etibarən Zəngəzur dəhlizi ilə bağlı İran və Ermənistan rəsmiləri arasında yüksək səviyyəli məsləhətləşmələr keçiriləcək.

FinFly xəbər verir ki, bunu İran Xarici İşlər Nazirliyinin rəsmi nümayəndəsi İsmayıl Bəqayi bildirib.

"Bu gün və sabah Zəngəzur sazişi ilə bağlı İran və Ermənistan rəsmiləri arasında yüksək səviyyəli məsləhətləşmələr aparılacaq. Siyasi, iqtisadi və mehriban qonşuluq münasibətləri baxımından hadisələrin inkişafını şərtləndirən istənilən prosesdə iştirak etməyimiz təbiidir. Biz Ermənistan və Azərbaycan hakimiyyətləri ilə sıx əlaqədə idik. Sabah bizim xarici işlər nazirinin müavininin Ermənistana səfəri bu məqsədi daşıyır", - deyə nazir müavini bildirib.

Onun sözlərinə görə, Tehran Cənubi Qafqazda qonşu ölkələrlə sıx əlaqələr saxlayır, həm Azərbaycan, həm də Ermənistanla münasibətləri mehriban qonşuluq və qarşılıqlı fayda prinsipləri əsasında qurur.

O, həmçinin qeyd edib ki, Vaşinqtonda Azərbaycan və Ermənistan arasında sülh müqaviləsinin paraflanması regionda sülh və sabitlik üçün dönüş nöqtəsi ola bilər.

---