ING yaxın illərdə Azərbaycanın nominal ÜDM-nin artacağını proqnozlaşdırır

Niderlandın ən böyük bank qrupunun – Internationale Nederlanden Groep (ING) proqnozuna görə, Azərbaycanın nominal ÜDM-i qarşı illərdə artımını davam etdirəcək.

FinFly-ın İNG-dən əldə etdiyi məlumatına əsasən, əgər 2024-cü ildə bu göstərici 74,3 milyard dollar təşkil edirdisə, 2025-ci ildə 80,6 milyard dollara, 2026-cı ildə isə 81,7 milyard dollara çatacağı proqnozlaşdırılır.

Eyni tendensiya adambaşına düşən ÜDM-in dinamikasında da müşahidə olunucağı gözlənilir. 2024-cü ildə bu göstərici 7 284 dollar təşkil edirdisə, 2025-ci ildə 7 728 dollara, 2026-cı ildə isə 7 765 dollara yüksələcəyi gözlənilir.

ING həmçinin qarşıdakı illərdə Azərbaycanın ÜDM artımının 2–3 faiz diapazonunda sabitləşəcəyini proqnozlaşdırır.

Belə ki, proqnozlara görə, Azərbaycanın real ÜDM artımı 2025-ci ildə 3 faiz, 2026-cı ildə isə 2,5 faiz olacaq.

---