İƏT ilə TDT arasında kənd təsərrüfatı sahəsində əməkdaşlıq üçün böyük imkanlar var - Tokayev

21 May, 2025 13:44

İslam Əməkdaşlıq Təşkilatı (İƏT) ilə Türk Dövlətləri Təşkilatı (TDT) arasında kənd təsərrüfatı sahəsində birgə əməkdaşlıq üçün böyük imkanlar var.

FinFly xəbər verir ki, bu barədə Qazaxıstan Prezidenti Kasım-Jomart Tokayev mayın 21-də Macarıstanın paytaxtı Budapeştdə keçirilən Türk Dövlətləri Təşkilatının Dövlət Başçıları Şurasının qeyri-rəsmi Zirvə görüşündə deyib.

"Ötən il təsərrüfat sahəsində 2,5 milyard dollarlıq xarici ticarət reallaşdırmışıq", - deyə o qeyd edib.

Qazaxıstan Prezidenti hesab edir ki, ortaq əməkdaşlıqlar əlaqələrin genişlənməsinə böyük töhfə verir:

"Beynəlxalq layihələr həyata keçirə, elm cameəsini, tələbələri bir yerə toplaya bilərik. Türk dünyası daxilində mədəni fəaliyyətlərin də artırılmasına ehtiyac var".