Gürcüstanın Prezidenti Azərbaycana ilk rəsmi səfərə gəlib

Gürcüstan prezidenti Mixail Kavelaşvili ilk rəsmi səfərini Azərbaycana edib.

FinFly-in məlumatına görə, səfər çərçivəsində Mixail Kavelaşvili Azərbaycan Respublikasının Prezidenti İlham Əliyev, Baş nazir Əli Əsədov və Milli Məclisin sədri Sahibə Qafarova ilə görüşlər keçirəcək.

Gürcüstanın Azərbaycandakı fövqəladə və səlahiyyətli səfiri Zurab Pataradzenin jurnalistlərə verdiyi məlumata görə, görüş zamanı ikitərəfli əməkdaşlıq və regional təhlükəsizlik məsələləri müzakirə olunacaq.

Pataradze vurğulayıb ki, Azərbaycan Gürcüstanın strateji tərəfdaşı və dostudur və buna görə də Gürcüstanın altıncı prezidentinin ilk səfərinin Azərbaycanda baş tutması çox vacibdir.

---