Gürcüstan bu il Azərbaycandan 3 mlrd kubmetr qaz alacaq

Gürcüstan 2026-cı ildə 2,926 milyard kubmetr Azərbaycan qazı almağı planlaşdırır.

FinFly-nin məlumatına görə, bu Gürcüstanın İqtisadiyyat və Davamlı İnkişaf Nazirliyi tərəfindən yayımlanıb.

Sənədə əsasən, Gürcüstan 2026-cı ildə ümumilikdə 3,34 milyard kubmetr təbii qaz alacaq.

Qeyd olunub ki, 2,926 milyard kubmetr qazı Azərbaycandan idxal edəcək. Beləliklə, Gürcüstanın qaz idxalının 87,6 faizi Azərbaycanın payına düşür. Rusiyadan qaz tədarükü 400 milyon kubmetr təşkil edəcək, yerli istehsal isə 14,058 milyon kubmetr.

---