Formula-1-in Azərbaycan mərhələsi Sea Breeze-ə köçürülə bilər

Formula-1-in Azərbaycan mərhələsi Sea Breeze-də tikiləcək, alov formasında süni adaya köçürülə bilər.

FinFly xəbər verir ki, bu barədə Agalarov Development şirkətinin prezidenti Emin Agalarov məlumat verib.

Onun sözlərinə görə, alov formasında olan ada layihə çərçivəsində inşa olunacaq ikinci süni ada olacaq. Birinci ada isə aypara formasında nəzərdə tutulub və onun üzərində işlər artıq aparılır.

Biznesmenin fikrincə, trasın yeni yerə köçürülməsi Bakıda yol bağlanmaları və tıxaclar problemini aradan qaldırmağa kömək edəcək.

---