Fitch Azərbaycanda kredit bumunun "qızma" riski barədə xəbərdarlıq edir

2017-ci ildən Azərbaycanın bank sektorunun orta göstəriciləri yaxşılaşıb ki, bu da kreditlərin dollarlaşmasının azalması və əvvəlki illərin problemli aktivləri ilə bağlı risklərin azalması nəticəsində mümkün olub.

Bu barədə FinFly Fitch Ratings beynəlxalq reytinq agentliyinin hesabatına istinadən xəbər verir

Məlumata əsasən, 2021-ci ildən etibarən pərakəndə kreditləşmənin sürətli artımı Azərbaycan Mərkəzi Bankının bu seqmentdə kredit risklərinin məhdudlaşdırılması üzrə qabaqlayıcı tədbirlərinə baxmayaraq, həddindən artıq "qızma" riskləri yarada bilər.

2025-ci il iyulun 1-nə ölkədə fəaliyyət göstərən 22 bankın məcmu kredit portfeli il ərzində təxminən 12 faiz artaraq 28 milyard 472 milyon manat təşkil edib. Bunun 14,58 faizi (və ya 4,152 milyard manatı) valyuta kreditləridir.

---