ETH koin hansı səviyyəyə yüksələ bilər?

11 Avq, 2025 12:26

Ethereum hazırda tarixi maksimum qiymətindən cəmi 11 faiz aşağıda ticarət olunur və bitkoinlə müqayisədə daha sürətli yüksəlir. Bir çoxları bunu "alt mövsüm"ün başladığının əlaməti hesab edir.

FinFly xəbər verir ki, avqustun əvvəlindən bəri ETH təxminən 30 faiz bahalaşıb və 11 avqust səhəri 4 349 dollaraa çataraq lokal zirvəni yenilədi. Bu, 2021-ci ildəki 4 891 dollarlıq rekorddan cəmi 542 dollara azdır.

Ethereum-a marağı bazarın iri oyunçuları da gücləndirir. Məsələn, 11 avqustda anonim bir investor 49 533 ETH alaraq 212 milyon dollara sərmayə yatırıb. BitMEX-in həmtəsisçisi Artur Heys də alışlara qayıdıb, baxmayaraq ki, yaxınlarda qiymətin 3 000 dollara düşəcəyini proqnozlaşdırırdı.

İnstitusional investorlar da aktivdir. Məsələn, Galaxy Digital 10 avqustda 10 milyon dollar dəyərində ETH alıb. Jan3 şirkətinin baş direktoru Samson Mow-un sözlərinə görə, hətta bitkoin sahibləri də aktivlərini qismən Ethereum-a çevirir — əsas səbəb böyük şirkətlər arasında ETH-ın populyarlığının artmasıdır.

Daha bir müsbət amil isə birjalarda ETH ehtiyatlarının kəskin azalmasıdır. Təklifin azalması qiymətin daha da yüksəlməsinə təkan verə bilər.