EIA 2026-cı ilə qədər Azərbaycanda neft hasilatı proqnozunu yenilədi

ABŞ Enerji İnformasiya İdarəsinin (EIA) son proqnozuna əsasən, 2026-cı ildə Azərbaycanda neft hasilatı sutkada 0,54 milyon barel təşkil edəcək.

FinFly xəbər verir ki, EIA ölkə üzrə proqnozunu yenidən nəzərdən keçirərək əvvəlki qiymətləndirməni sutkada 0,06 milyon barel azaldıb.

Yenilənmiş məlumatlara görə, 2026-cı ilin birinci rübündə hasilatın sutkada 0,55 milyon barel səviyyəsində olacağı gözlənilir. İkinci rübdə bu göstərici 0,54 milyon barelə, üçüncü və dördüncü rüblərdə isə 0,53 milyon barelə düşəcək.

Eyni zamanda, 2025-ci il üçün proqnoz da yenidən nəzərdən keçirilib — orta gündəlik hasilatın 0,57 milyon barel olacağı gözlənilir. EIA-nın qiymətləndirməsinə əsasən, 2025-ci ilin birinci rübündə hasilat sutkada 0,57 milyon barel səviyyəsində olub, ikinci rübdə sabit qalıb və ilin ikinci yarısında bir qədər azalaraq 0,56 milyon barelə düşüb.

---