Donald Tramp Maskı ciddi nəticələrlə üzləşə biləcəyini bildirib

ABŞ prezidenti Donald Tramp bildirib ki, İlon Mask Respublikaçıların büdcə təklifinə qarşı çıxan Demokrat namizədləri maliyyələşdirməyə qərar verərsə, ciddi nəticələrlə üzləşəcək.

FinFly xəbər verir ki, bu barədə Ağ Ev rəhbəri NBC News kanalına müsahibəsində bildirib.

"Əgər o [İlon Mask] bunu etsə, əvəzini ödəməli olacaq. Çox ciddi nəticələr olacaq", - deyə Tramp xəbərdarlıq edib.

Qeyd edək ki, Tramp və Mask arasında ictimai qarşıdurma olub, tərəflər bir sıra qarşılıqlı ittihamlar və təhdidlər səsləndiriblər. Prezident qeyd edib ki, Maskla münasibətləri bərpa etmək niyyətində deyil.

---