BVF 2025-ci ildə qlobal ticarətin azalmasını gözləyir

2025-ci ildə dünya ticarət həcminin artım tempi illik ifadədə 1,7 faizədək azalacaq. Məlumata görə, bu, yanvar ayı proqnozundan 1,5 faiz bəndi aşağıdır.

FinFly xəbər verir ki, bu barədə Beynəlxalq Valyuta Fondunun (BVF) qlobal iqtisadiyyatın inkişaf perspektivlərinə dair hesabatında deyilir.

"2026-cı ildə göstərici 2,5 faiz artacaq ki, bu da BVF-nin yanvar ayı proqnozundan 0,8 faiz bəndi aşağıdır. Baza proqnozuna görə, ticarət siyasətində qeyri-müəyyənliyin 2025 və 2026-cı illərdə nisbətən yüksək səviyyədə qalacağı gözlənilir", - hesabatda deyilir.

---