Bu il 130 mindən çox abituriyent ali təhsil müəssisələrinə qəbul üçün qeydiyyatdan keçib

Bu il ali təhsil müəssisələrinə qəbul olmaq üçün qeydiyyatdan keçən abituriyentlərin sayı 130 mindən artıqdır.

FinFly xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə deyib.

Onun sözlərinə görə, ötən illə müqayisədə abituriyentlərin sayında təqribən 12 min artım var.

“Bu, ilk növbədə 2025-ci ildə məzun olan abituriyentlərin sayının çoxluğu ilə bağlıdır. Builki buraxılış imtahanlarında 116 mindən çox şagird iştirak edib", - deyib.

---