Bizə Ukraynada davamlı sülhü təmin edəcək bir razılaşma lazımdır - Koşta

Avropa İttifaqı Şurasının Prezidenti Antonio Koşta Ukraynada sülh perspektivlərini müzakirə etmək üçün ABŞ Prezidentinin Rusiya və Ukrayna üzrə xüsusi nümayəndəsi Kit Kelloqla görüşüb.

FinFly xəbər verir ki, bu barədə o, "X" hesabında paylaşım edib.

A.Koşta vurğulayıb ki, Rusiya-Ukrayna arasında sülh sadəcə atəşkəs ola bilməz:

"Bizə Ukraynada hərtərəfli, ədalətli və davamlı sülhü və Avropada təhlükəsizliyi təmin edəcək bir razılaşma lazımdır. Ukrayna Avropaya güvənə bilər. Biz sülh və təhlükəsizliyi təmin etmək üçün ABŞ ilə konstruktiv şəkildə işləməyə davam etməyə hazırıq".

---