Bir sıra mağazalar "Leobank"ın kartları ilə ödəniş qəbul etmirlər

"Leobank"a məxsus "Leo Kart"la ödəniş etməkdə çətinlik yaranıb.

FinFly xəbər verir ki, bir sıra mağazalar "Leobank"ın kartları ilə ödəniş qəbul etməkdən imtina edirlər.

Vətəndaşlar bildirir ki, belə hallardan biri də "LC Waikiki" geyim mağazasında baş verib. Mağazanın əməkdaşları "Leo Kart"la ödənişin mümkün olmadığını bildirirlər. 

Buna səbəb kimi isə həmin "Leobank"ın kartı ilə edilən ödənişlərin hesaba oturmadığı və bəzi hallarda müştəriyə geri qayıtdığını qeyd edirlər. Bu zaman isə mağaza ziyan etdiyi üçün "Leo Kart"la ödənişlərdən imtina edir.

Bu isə öz növbəsində müştərilərə əlavə çətinlik yaratmış olur. 

"Leobank" bildirir ki, bu halla qarşı onlar tərəfindən heç bir məhdudiyyət mövcud deyil.

---