Bakı ilə Moskva arasında gərginlik VTB (Azərbaycan)-ın fəaliyyətinə necə təsir edir?

Yekaterinburqda azərbaycanlıların qətlə yetirilməsi ilə bağlı baş vermiş faciəli hadisələr fonunda Azərbaycanda Rusiya ilə bağlı münasibətlərdə narahatlıq və müzakirələr artıb. Buna baxmayaraq, ekspertlərin fikrincə, VTB (Azərbaycan)-ın fəaliyyəti sabit olaraq qalır və siyasi kontekstdən təsirlənmir.

FinFıy xəbər verir ki, bank Azərbaycan Respublikasının Mərkəzi Bankı tərəfindən verilmiş lisenziya əsasında fəaliyyət göstərir və tənzimləyici orqanların tələblərinə tam şəkildə riayət edir. VTB (Azərbaycan) ölkə qanunvericiliyinə uyğun fəaliyyət göstərən müstəqil hüquqi şəxsdir və onun işi xarici siyasi proseslərdən asılı deyil.

Bank sektorundakı mənbələrin FinFly-a verdiyi məlumata əsasən, nə əmanətlərin geri çəkilməsi, nə də müştəri fəallığında azalma müşahidə olunmur. Həm fiziki, həm də hüquqi şəxslərlə əməliyyatlar adi qaydada davam edir.

İqtisadçılar qeyd edirlər ki, bank kifayət qədər likvidliyə malikdir və son illər ərzində maliyyə göstəriciləri dayanıqlı olaraq qalır. Müştərilər qarşısında bütün öhdəliklər vaxtında yerinə yetirilir.

Ekspertlər emosional reaksiya fonunda ictimaiyyəti soyuqqanlı olmağa və siyasi məsələləri iqtisadi reallıqdan ayırmağa çağırırlar. VTB (Azərbaycan) ölkənin bank sistemində aktiv rol oynamaqda davam edir və respublika üzrə minlərlə müştəriyə xidmət göstərir.

---