AZAL sərnişin daşımaları artırıb

Bu ilin I rübündə Azərbaycanın milli aviadaşıyıcı - "Azərbaycan Hava Yolları" QSC (AZAL) 865 min sərnişin daşınıb.

FinFly AZAL-dan əldə etdiyi xəbərə görə, bu, ötən ilin eyni dövrü ilə müqayisədə 7 faiz çoxdur.

Yanvar-mart aylarında AZAL uçuşların 89 faizni vaxtında yerinə yetirərək 48 istiqamət üzrə 3 718 reys həyata keçirib. 1 il əvvələ nisbətən punktuallıq göstəricisi üzrə 1 faiz reyslərin sayı üzrə isə 4 faiz artım müşahidə olunub. Martda punktuallıq göstəricisi 93 faizə çatıb.

Sərnişin axınında ən pik göstərici 12 350 nəfər olmaqla 12 yanvarda qeydə alınıb. Ötən il yanvarın 7-də qeydə alınan ən yüksək sərnişin axını isə 11 200 nəfər olub.

AZAL marşrut şəbəkəsini genişləndirmək, xidmət səviyyəsini təkmilləşdirmək, ən yüksək təhlükəsizlik və rahatlıq standartlarını təmin etmək istiqamətində fəaliyyətini davam etdirir.

---