Azərbaycanla Gürcüstan arasında ticarət güclənir

2025-ci ilin yanvar-iyun aylarında Azərbaycanla Gürcüstan arasında ticarət əməliyyatlarının həcmi 377,2 milyon dolları təşkil edib.

FinFly Dövlət Gömrük Komitəsindən əldə edən məlumata görə, bu, 2024-cü ilin eyni aylarındakı göstərici ilə müqayisədə 79,5 milyon dolları və ya 25,1 faiz çoxdur.

Hesabat dövründə Gürcüstan ilə ticarət əməliyyatları Azərbaycanın ümumi ticarət dövriyyəsinin 1,62 faizi həcmində olub.

Cari ilin yanvar-iyun aylarında Azərbaycandan Gürcüstana 329,7 milyon dollarlıq məhsul ixracı qeydə alınıb. Bu, 2024-cü ilin eyni dövrü ilə müqayisədə 57,4 milyon ABŞ dolları və ya 21,1 faiz çoxdur.

Eyni zamanda, 2025-ci ilin yanvar-iyun aylarında Gürcüstandan Azərbaycana 66,2 milyon ABŞ dolları dəyərində idxal əməliyyatları icra olunub ki, bu da illik müqayisədə 22,1 milyon ABŞ dolları və ya 50 faiz artım deməkdir.

Bundan başqa, 2025-ci ilin yanvar-iyun ayları ərzində Azərbaycandan Gürcüstana 154,8 milyon ABŞ dolları dəyərində qeyri-neft məhsulları ixrac olunub. Bu isə 2024-cü ilin ilk 6 ayı ilə müqayisədə 41 milyon ABŞ dolları və ya 36,1 faiz çoxdur.

Hesabat dövründə Gürcüstana qeyri-neft məhsullarının ixracı Azərbaycanın ümumi ixracında 8,82 faiz paya sahib olub. Bununla da Gürcüstan Azərbaycanda ən çox qeyri-neft məhsulları alan ölkələr sırasında 3-cü pillədə qərarlaşıb.

---