
02 Apr, 2025 09:25
2025-ci ilin yanvar-fevral aylarında Azərbaycanda əsas kapitala yönəldilmiş investisiyalardan qeyri-neft-qaz sektoruna 1,4 milyard manat sərf olunub.
Bu barədə FinFly Dövlət Statistika Komitəsindən məlumat əldə edib.
Əsas kapitala yönəldilmiş investisiyalar 2024-cü ilin eyni dövrü ilə müqayisədə 343 milyon manat və ya 20 faiz azdır.
Belə ki, ötən ilin yanvar-fevral aylarında ölkədə qeyri-neft-qaz sahəsində əsas kapitala 1,7 milyard manat investisiya yönəldilmişdi.
2025-ci ilin yanvar-fevral aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala təqribən 2 milyard manat məbləğində, yaxud əvvəlki ilin müvafiq dövrü ilə müqayisədə 25 faiz az investisiya yönəldilib.