Azərbaycanın dövlət büdcəsinin profisitiartıb

Bu ilin yanvar-may aylarında Azərbaycanın dövlət büdcəsinin gəlirləri 17 milyard 138 milyon manat, xərcləri isə 13 milyard 691,8 milyon manat təşkil edib.

FinFly Dövlət Statistika Komitəsinə istinadən xəbər verir ki, bunlar, ötən ilin eyni dövrü ilə müqayisədə müvafiq olaraq 7,1 faiz və 1,6 faiz çoxdur.

Büdcə gəlirləri proqnozdan 3,9 faiz çox, büdcə xərcləri isə proqnozdan 3,5 faiz az icra edilib.

Son nəticədə 5 ayda büdcədə 3 milyard 446,2 milyon manat profisit yaranıb. Bu isə 1 il əvvələ nisbətən 36,05 faiz çoxdur.

---