Azərbaycanın bank sektorunun xalis mənfəəti azalıb

Azərbaycanın bank sektoru 2025-ci ilin I yarısında 576,6 milyon manat xalis mənfəət əldə edib.

FinFly Azərbaycan Mərkəzi Bankının hesabatına istinadən xəbər verir ki, bu, ötən ilin eyni dövrü ilə müqayisədə 6 faiz azdır.

Qeyd edilən müddət ərzində, bankların əməliyyat gəlirləri 3 milyard 274,9 milyon manat (1 il əvvələ nisbətən 18,5 faiz çox), əməliyyat xərcləri 2 milyard 360,3 milyon manat (27,2 faiz çox), xüsusi ehtiyatlara ayırmaları 204,4 milyon manat (19,3 faiz çox), gözlənilməz gəlirləri 0,5 milyon manat (79,2 faiz az), mənfəət vergisi ödəmələri isə 134,1 milyon manat (8,05 faiz çox) təşkil edib.

---