Azərbaycanda təhsilin inkişafına nə qədər vəsait xərclənib?

27 May, 2025 10:42

Ötən il dövlət büdcəsindən təhsil xərclərinə 4 milyard 550,3 milyon manat məbləğində vəsait ayrılıb.

FinFly xəbər verir ki, bununla bağlı məsələ "2024-cü il dövlət büdcəsinin icrası haqqında" qanun layihəsində öz əksini tapıb.

Layihəyə görə, aidiyyəti sifarişçi təşkilatların xərc sifarişlərinə uyğun olaraq 4 milyard 390 milyon manat məbləğində vəsait istifadə olunub.

"Bu, proqnoza nisbətən, 160,3 milyon manat və ya 3,5 faiz az, 2023-cü illə müqayisədə isə 265,2 milyon manat və ya 6,4 faiz çoxdur. Hesabat ilində təhsil xərcləri ÜDM-in 3,5 faizini (2023-cü illə müqayisədə 0,1 faiz-bənd çox), dövlət büdcəsi xərclərinin isə 11,6 faizini (2023-cü illə müqayisədə 0,3 faiz-bənd çox) təşkil edib", - deyə məlumatda bildirilir.