Azərbaycanda qeyri-neft-qaz sektorundan vergi daxilolmaları artıb

2025-ci ilin yanvar-avqust aylarında Azərbaycanda vergi daxilolmalarının 8 milyard 434,6 milyon manatı və yaxud 73 faizi qeyri-neft-qaz sektorunun payına düşüb.

FinFly İqtisadiyyat Nazirliyi yanında Dövlət Vergi Xidmətinə istinadən xəbər verir ki, bu, ötən ilin eyni dövrü ilə müqayisədə 8,9 faiz çox, proqnozdan isə 3 faiz çoxdur.

Yanvar-avqust aylarında Dövlət Vergi Xidmətinin xətti ilə dövlət büdcəsinə daxilolmalar 11 milyard 561,1 milyon manat təşkil edib. Bu, 1 il əvvələ nisbətən 3 faiz, proqnozdan isə 5,4 faiz çoxdur.

Dövlət Vergi Xidməti büdcəyə 15,5 milyard manat vəsait köçürməlidir. Beləliklə, 8 ay ərzində həmin məbləğin 74,8 faizi təmin olunub.

---