Azərbaycanda problemli kreditlərin məbləği artıb

2025-ci il avqustun 1-nə Azərbaycanda vaxtı keçmiş kreditlərin məbləği 529,4 milyon manat təşkil edib.

FinFly Azərbaycan Mərkəzi Bankına (AMB) istinadən xəbər verir ki, bu, iyulun 1-i ilə müqayisədə 0,4 faiz çoxdur.

Ölkədə problemli kreditlərin məbləği ilin əvvəlinə nisbətən 17,9 faiz, son 1 ildə isə 16,7 faiz artıb.

İyulun sonuna vaxtı keçmiş kreditlərin ümumi kredit portfelində xüsusi çəkisi 1,7 faiz təşkil edib. Bu nisbət iyunun sonuna da 1,7 faiz, ötən il dekabrın sonuna 1,5 faiz, ötən il iyulun sonuna isə 1,7 faiz olub. 

---