Azərbaycanda mənzillər bahalaşıb

2025-ci ilin II rübündə Azərbaycanda mənzillərin bahalaşması qeydə alınıb.

Bu barədə FinFly Dövlət Statistika Komitəsindən məlumat əldə edib.

Belə ki, 2025-ci ilin II rübündə mənzil bazarında qiymət indeksi 2025-ci ilin I rübünə nisbətən 1,1 faiz bahalaşıb.

Bahalaşma ilkin mənzil bazarında 3,2 faiz, təkrar mənzil bazarında isə 1,1 faiz olub.

Bununla yanaşı, 2025-ci ilin II rübündə mənzil bazarında qiymət indeksi 2024-cü ilin II rübünə nisbətən 13,2 faiz artıb.

Bu dövr ərzində bahalaşma ilkin mənzil bazarında 13 faiz, təkrar mənzil bazarında isə 13,2 faiz olub.

---