Azərbaycanda kreditləşmənin və mənzillərin qiymətlərinin sürətli artımı disbalansa səbəb ola bilər - S&P

Azərbaycanda kreditləşmənin artım tempi tarixi olaraq neftin qiymətləri ilə sıx bağlı olub.

FinFly-in məlumatına görə, bu barədə S&P Global Ratings-in hesabatında bildirilir.

2025-ci ildə Azərbaycanda kredit artımı təxminən 15 faiz səviyyəsində gözlənilir.

2021–2024-cü illərdə orta illik artım 18 faiz olub və əsasən istehlak kreditlərinin yüksək artımı ilə əlaqələndirilir.

S&P qeyd edir ki, 2025-ci ilin martın 1-dən etibarən Azərbaycan Mərkəzi Bankı kredit boşluğu göstəricisinin (ÜDM-ə nisbətdə kreditin uzunmüddətli trenddən kənarlaşması) 2 faizi aşmasını nəzərə alaraq, əlavə 0,5 faiz kontrsiklik kapital buferi tətbiq edib.

---