Azərbaycanda ağ neftin istehsalı azalıb

2025-ci ilin yanvar-aprel aylarında Azərbaycanda 196 min ton ağ neft istehsal edilib.

FinFly Dövlət Statistika Komitəsinə istinadən xəbər verir ki, bu göstərici 2024-cü ilin eyni dövrü ilə müqayisədə 17,7 min ton və ya 8,3 faiz azdır.

2024-cü ilin yanvar-aprel aylarında ölkədə 213,7 min ton ağ neft istehsal olunmuşdu.

Bu ilin mayın 1-nə hazır məhsul ehtiyatı 22,9 min ton təşkil edib.

Azərbaycanda neft məhsullarının istehsalı sahəsində istehsalın ümumi dəyəri 1,607 milyard manat olmaqla, əvvəlki ilin müvafiq dövrü ilə müqayisədə 9,9 faiz azalıb.

---