Azərbaycan vətəndaşları Türkiyədə yol qəzasına düşüb

Türkiyənin İğdır vilayətinin Tuzluca rayonunda Azərbaycan vətəndaşları (Naxçıvan sakinləri) avtomobil qəzasına düşüb.

FinFly Türkiyə KİV-ə istinadən xəbər verir ki, Azərbaycan və Türkiyə vətəndaşlarına məxsus iki minik avtomobilinin toqquşması nəticəsində ikisi qadın, ikisi kişi olmaqda dörd nəfər xəsarət alıb. Onlar yaxınlıqdakı xəstəxanalara yerləşdiriliblər.

Avtoqəza zamanı hər iki avtomobilə ciddi ziyan dəyib.

Faktla bağlı araşdırma aparılır. 

---