Azərbaycan və BƏƏ arasında energetika və qarşılıqlı investisiyalar istiqamətində müzakirələr aparılıb

Azərbaycan və Birləşmiş Ərəb Əmirlikləri (BƏƏ) arasında enerji sahəsində tərəfdaşlıq və qarşılıqlı investisiyalar barədə müzakirələr aparılıb.

FinFly xəbər verir ki, bu barədə Azərbaycanın iqtisadiyyat naziri Mikayıl Cabbarov "X" hesabında paylaşım edib.

"Birləşmiş Ərəb Əmirliklərinin sənaye və qabaqcıl texnologiyalar naziri Sultan Əhməd Əl-Cabir ilə videokonfrans formatında görüşdük.

Ölkələrimiz arasında uğurlu tərəfdaşlıq münasibətlərini vurğuladıq.

Həyata keçirilən birgə layihələr, enerji sahəsində tərəfdaşlıq, qarşılıqlı investisiyalar və əməkdaşlığın inkişaf perspektivləri haqqında müzakirələr apardıq", - deyə paylaşımda qeyd edilib.

---