Azərbaycan Prezidenti maliyyə nazirliyində yeni kadr təyinatları həyata keçirib

Anar Kərimov əmək və əhalinin sosial müdafiəsi nazirinin müavini vəzifəsindən azad edilib.

FinFly xəbər verir ki, Prezident İlham Əliyev bununla bağlı müvafiq sərəncam imzalayıb. 

Digər Sərəncamla Kərimov maliyyə nazirinin birinci müavini vəzifəsinə təyin edilib.

Bundan əlavə, Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun İdarə Heyətinin sədri Himalay Qabil oğlu Məmişov vəzifəsindən azad edilib. Prezident İlham Əliyev bununla bağlı müvafiq sərəncam imzalayıb. 

Daha bir Sərəncamla H.Məmişov maliyyə nazirinin müavini təyin edilib.

---