Azərbaycan Mərkəzi Bankı uçot dərəcəsini dəyişəcəkmi? ING Qrupunun proqnozu

Hollandiyanın ING Group bank qrupu Azərbaycan Mərkəzi Bankının sentyabrın 10-da keçiriləcək növbəti iclasında üçot dərəcəsini 7 faiz səviyyəsində saxlayacağını proqnozlaşdırır.

FinFly ING-yə istinadən verdiyi məlumata görə, son iclasdan sonra Azərbaycanda istehlak qiymətləri indeksinin artımı illik ifadədə demək olar ki, 5 faizə qədər səngiyib ki, bu da ilin sonuna olan 4±2 faiz hədəf diapazonuna uyğundur.

"Bundan başqa, biz 7 ay ərzində illik 0,9 faiz səviyyəsində zəif ÜDM artımını, o cümlədən iyul ayında 2,3 faiz azalma, eləcə də istehsalçı qiymətlərinin daha yavaş artımını nəzərə alaraq, mümkün daha da faiz endirilməsi ilə bağlı müzakirələri istisna etmirik. Bununla belə, ticarət profisitinin azalması və bank kreditləşməsinin maliyyələşdirmə ilə müqayisədə artımının davam etməsi real faiz dərəcələrinin daha yüksək səviyyədə saxlanması zərurətindən xəbər verir", - deyə məlumatda bildirilir.

---